سیکیورٹیز اینڈ ایکسچینج کمیشن آف پاکستان (ایس ای سی پی) نے تمام انویسٹمنٹ ایڈوائزرز اور سکیورٹیز ایڈوائزرز کے لیے میوچل فنڈز ایسوسی ایشن (موفاپ) کی ممبرشپ لازمی قرار دے دی ہے۔ ذرائع کے مطابق تمام میوچل فنڈ اور پنشن فنڈ ڈسٹری بیوٹرز بھی موفاپ کے ممبر بنیں گے۔
ایس ای سی پی نے کہا کہ موفاپ بطور سیلف ریگولیٹری آرگنائزیشن انڈسٹری میں پیشہ ورانہ معیارات قائم کرنے اور ممبران کے قوائد و ضوابط پر عملدرآمد کو یقینی بنانے کا ذمہ دار ہے۔ اس اقدام سے مارکیٹ میں مس سیلنگ کا خاتمہ اور سرمایہ کاروں کے تحفظ کو یقینی بنایا جائے گا۔