خطے میں امن کی کوششوں اور سرمایہ کاروں کے اعتماد کی بحالی کے باعث پاکستان اسٹاک ایکسچینج میں کاروبار کا مثبت اختتام ہوا۔
کاروباری دن کے دوران مارکیٹ میں غیر معمولی تیزی دیکھنے میں آئی، جہاں ایک موقع پر 8500 سے زائد پوائنٹس کا اضافہ ریکارڈ کیا گیا۔ تیزی کے باعث مارکیٹ میں ایک گھنٹے کے لیے ٹریڈنگ بھی عارضی طور پر معطل کر دی گئی۔
کاروبار کے اختتام پر ہنڈرڈ انڈیکس 6768 پوائنٹس کے نمایاں اضافے کے ساتھ 155,511 پوائنٹس پر بند ہوا۔ اس دوران مارکیٹ میں 149000 سے 155000 پوائنٹس تک کی 7 حدیں بحال ہوئیں جو سرمایہ کاروں کے بڑھتے ہوئے اعتماد کی عکاسی کرتی ہیں۔