بھارت کی کرکٹ ٹیم ٹی ٹوئنٹی ورلڈ کپ لگاتار دوسری دفعہ جیتنے کے بعد اس سال 50 کے قریب ٹی ٹوئنٹی میچز کھیلے گی۔
بھارتی ٹیم اب تک اس سال ورلڈ کپ کو ملا کر 14 ٹی ٹوئنٹی میچز کھیل چکی ہے، انہوں نے مزید 30 سے 36 میچز کھیلنے ہیں اور اس کی وجہ صرف یہ ہے کہ یہ اب ٹی ٹوئنٹی فارمیٹ میں چیمپین ٹیم مانی جاتی ہے۔
اس سال آئی پی ایل کے بعد بھارت دو میچز آئیلینڈ کے خلاف، پانچ انگلینڈ کے خلاف، پانچ ویسٹ انڈیز کے خلاف، تین سری لنکا کے خلاف، تین زمبابوے کے خلاف اگلے چند مہینوں میں کھیلے گی۔
بھارتی کرکٹ بورڈ نے میچز کے شیڈول کا اعلان کردیا ہے اور مزید اب اس سال بھارتی ٹیم کو افغانستان، بنگلا دیش اور نیوزی لینڈ کے خلاف بھی ٹی ٹوئنٹی انٹرنیشنل میچز کھیلنے ہیں جن کے شیڈول کا اعلان ابھی ہونا ہے۔ اور اسی سال ایشیئن گیم سے بھی ٹی ٹوئنٹی ٹورنامنٹ ہونا ہے۔
اس کے مقابلے میں آسٹریلیا کی ٹیم اس سال ٹیسٹ کرکٹ پر زور دے رہی ہے جو 15 ٹیسٹ میچز کھیلے گی۔ پاکستان ٹیم کا پی ایس ایل کے بعد دو ٹیسٹ میچز کھیلنے کے لیے پہلا انٹرنیشنل دورہ بنگلا دیش کا ہوگا۔