لاہور قلندرز کے کھلاڑی فخر زمان نے اپنے اوپر عائد دو میچز کی پابندی کے خلاف باضابطہ اپیل دائر کر دی ہے۔ یہ پابندی میچ ریفری روشن مہانامہ کی جانب سے بال کی حالت کو مبینہ طور پر تبدیل کرنے کے الزام میں عائد کی گئی تھی۔
میچ ریفری نے دو سماعتوں کے بعد فخر زمان پر لیول تھری کا چارج لگاتے ہوئے انہیں پی ایس ایل اور آئی سی سی قوانین کی خلاف ورزی کا مرتکب قرار دیا تھا۔ تاہم فخر زمان نے اپنی اپیل میں مؤقف اختیار کیا ہے کہ ان کے خلاف کوئی ٹھوس یا حتمی ثبوت موجود نہیں اس لیے پابندی کے فیصلے پر نظرثانی کی جائے۔
فخر زمان کا کہنا ہے کہ دستیاب ویڈیوز میں ایسا کوئی واضح ثبوت نہیں ملتا جس سے یہ ثابت ہو کہ انہوں نے جان بوجھ کر گیند کی حالت تبدیل کرنے کی کوشش کی ہو۔ انہوں نے مقررہ 48 گھنٹوں کے اندر اپنی اپیل پی ایس ایل کی ٹیکنیکل کمیٹی کو جمع کرا دی ہے۔