پاکستان میں پیٹرول اور ڈیزل کی قیمتوں میں ایک بار پھر اضافے کا خدشہ ظاہر کیا جا رہا ہے جس کے تحت پیٹرول کی فی لیٹر قیمت میں تقریباً 100 روپے جبکہ ڈیزل میں 200 روپے تک اضافہ متوقع ہے۔
ذرائع کے مطابق وفاقی حکومت نے عالمی منڈی میں خام تیل کی بڑھتی ہوئی قیمتوں کے اثرات عوام تک منتقل کرنے کا اصولی فیصلہ کر لیا ہے جس کے بعد پیٹرولیم مصنوعات کی قیمتوں میں نمایاں ردوبدل متوقع ہے۔
رپورٹس میں بتایا گیا ہے کہ موجودہ قیمتوں اور درآمدی لاگت کے درمیان کافی فرق موجود ہے جس کے باعث پیٹرول اور ڈیزل کی قیمتوں میں اضافہ ممکن ہے۔ حکومت آئندہ چند روز میں نئی قیمتوں کے بارے میں باضابطہ اعلان کر سکتی ہے۔