تازہ ترین فیفا ورلڈ رینکنگ میں فرانس نے ایک بار پھر پہلی پوزیشن حاصل کرلی ہے، جو 2018 کے بعد اس کا پہلا موقع ہے۔
اس رینکنگ میں اسپین دوسرے اور ارجنٹینا تیسرے نمبر پر براجمان ہیں۔ پرتگال نے ایک درجہ ترقی کے ساتھ پانچویں پوزیشن حاصل کرلی ہے جبکہ برازیل چھٹے نمبر پر چلا گیا ہے۔
فیفا رینکنگ کے ٹاپ 50 میں ترکیہ، آئیوری کوسٹ، سوئیڈن اور تیونس کی کارکردگی میں نمایاں بہتری دیکھی گئی، جبکہ ویتنام 9 درجے ترقی کے ساتھ سب سے زیادہ بہتری دکھانے والی ٹیم بن گئی ہے۔
اس کے علاوہ نیپال اور بھوٹان کی پوزیشن بھی پہلے سے بہتر ہوئی ہے۔ ورلڈ کپ 2026 کے لیے کوالیفائی کرنے والی 48 ٹیموں میں سے 37 ٹیمیں ٹاپ 50 میں شامل ہیں، تاہم اٹلی، ڈنمارک اور نائجیریا جیسی ٹیمیں ٹاپ 30 میں ہونے کے باوجود ورلڈ کپ 2026 کے لیے کوالیفائی کرنے میں ناکام رہی ہیں۔
دوسری جانب، پاکستان میانمار سے شکست کے بعد تنزلی کا شکار ہو کر رینکنگ میں 202 ویں نمبر پر پہنچ گیا ہے۔