کے الیکٹرک میں اہم انتظامی تبدیلیوں کے سلسلے میں طویل عرصے بعد کمپنی کا 13 رکنی بورڈ آف ڈائریکٹرز مکمل ہوگیا ہے جس کے بعد نئے ڈائریکٹرز کا انتخاب عمل میں آگیا ہے۔
بورڈ کی تشکیل کے دوران پہلی بار دو سگے بھائی سمیر چشتی اور شہریار چشتی ایک ساتھ ڈائریکٹرز منتخب ہوئے ہیں۔ بورڈ کے دیگر اراکین میں وفاقی سیکریٹری خزانہ اور وفاقی سیکریٹری توانائی بھی شامل ہیں۔
ذرائع کے مطابق بورڈ کی تکمیل کے بعد رواں ماہ ہونے والا اجلاس انتہائی اہمیت کا حامل ہوگا جس میں مستقل چیئرمین اور سی ای او کی تقرری متوقع ہے۔
فی الحال ادیب احمد قائم مقام سی ای او اور شہریار چشتی قائم مقام چیئرمین کے طور پر ذمہ داریاں نبھا رہے ہیں۔ ذرائع کا کہنا ہے کہ یہ دونوں شخصیات ہی مستقل عہدوں کے لیے مضبوط امیدوار ہیں۔