ملک میں کفایت شعاری مہم کے تحت محکمہ ہائر ایجوکیشن نے ملک بھر کی یونیورسٹیوں کو ہفتے میں چار دن کھلی رکھنے کا فیصلہ کر لیا ہے۔ نوٹیفکیشن کے مطابق جمعہ، ہفتہ اور اتوار کو تمام جامعات بند رہیں گی۔
نوٹیفکیشن میں یہ بھی بتایا گیا ہے کہ سرکاری اسکولوں میں بھی جمعہ، ہفتہ اور اتوار کو فزیکل کلاسز نہیں ہوں گی تاہم جمعے کو یونیورسٹیوں میں آن لائن کلاسز لی جا سکتی ہیں۔
وزارت تعلیم نے ایچ ای سی اور فیڈرل بورڈ کے زیرانتظام سرکاری تعلیمی اداروں میں اس فیصلے کی باضابطہ اطلاع جاری کر دی ہے۔ حکام کے مطابق یہ اقدام تعلیمی اداروں میں توانائی کی بچت اور کفایت شعاری کو فروغ دینے کے لیے کیا گیا ہے۔