مشرق وسطی کی موجودہ صورتحال اور آر ایل این جی کی سپلائی میں رکاوٹ کے باعث کراچی میں ایس ایس جی سی کے گیس سسٹم پر اثر پڑا ہے، جس کے نتیجے میں شہر میں گیس کی قلت پیدا ہو گئی ہے۔ ذرائع کے مطابق یومیہ ضرورت 1100 ایم ایم سی ایف ڈی سے زائد ہے، تاہم اس وقت صرف 800 ایم ایم سی ایف ڈی گیس دستیاب ہے۔
ذرائع کا کہنا ہے کہ صارفین کو اب کھانے کے اوقات میں ہی گیس فراہم کی جائے گی اور 24 گھنٹے میں تقریباً 13 گھنٹے گیس کی فراہمی معطل رہے گی۔ صارفین کو 24 گھنٹے میں صرف 11 گھنٹے گیس فراہم کی جائے گی۔
نئے شیڈول کے مطابق گیس ،صبح 6 بجے سے 10 بجے تک، دوپہر 12 بجے سے 3 بجے تک اور شام 6 بجے سے رات 10 بجے تک فراہم کی جائے گی۔
گیس فراہمی کے اوقات میں یہ تبدیلی آج سے نافذ العمل ہو گئی ہے اور صارفین کو نئے شیڈول کے مطابق گیس ملے گی۔