پاکستان اسٹاک ایکسچینج میں اس ہفتے سرمایہ کاروں کا رجحان ملا جلا رہا جس میں تین دن مارکیٹ میں تیزی اور دو دن مندی دیکھی گئی۔
ہفتے کے دوران بینچ مارک ہنڈریڈ انڈیکس 1308 پوائنٹس کی کمی کے بعد 150,398 پوائنٹس پر بند ہوا۔ اس ہفتے مارکیٹ کی بلند ترین سطح 157,347 پوائنٹس رہی۔
مارکیٹ میں غیر معمولی تیزی کے باعث ایک سیشن میں کاروبار ہالٹ بھی کیا گیا۔ ماہرین کا کہنا ہے کہ عالمی اور علاقائی حالات، خاص طور پر جنگ رکنے کی امیدیں اور جاری رہنے کے خدشات، سرمایہ کاروں کے رویے اور مارکیٹ کی نفسیات پر اثر انداز ہوئے۔