پاکستان کی نوجوان کھلاڑی ماہ نور علی نے ملائیشین دارالحکومت کوالالمپور میں جاری انٹرنیشنل جونیئر اسکواش چیمپئن شپ کے فائنل میں جگہ بنا لی ہے۔
تفصیلات کے مطابق سیمی فائنل میں ماہ نور علی نے ایشیا کی نمبر ون اور سیڈ 2 جیکینتا ہان (سنگاپور) کو سخت مقابلے کے بعد 2-3 سے شکست دی۔ پشاور سے تعلق رکھنے والی علی سسٹرز میں سب سے چھوٹی بہن ماہ نور نے بہترین کھیل کا مظاہرہ کیا اور اب ٹرافی پر نظریں مرکوز کر دی ہیں۔
دوسری جانب ماہنور کی بڑی بہن سحرش علی نے بھی شاندار کھیل دکھایا مگر وہ ملائیشیا کی نمبر ون محمد خیرالنظام میسرہ سے دلچسپ مقابلے کے بعد 1-3 سے ہار گئیں۔