ایران اور امریکا کے درمیان ممکنہ سیز فائر معاہدے کی پیشرفت کی خبروں کے باعث پاکستان اسٹاک ایکسچینج میں کاروبار کا اختتام مثبت رجحان پر ہوا۔
کاروباری دن کے دوران شدید اتار چڑھاؤ دیکھنے میں آیا جہاں ایک موقع پر 2,627 پوائنٹس کی مندی بھی ریکارڈ کی گئی تاہم بعد ازاں مارکیٹ سنبھل گئی اور 148,000، 149,000 اور 150,000 پوائنٹس کی حدیں دوبارہ بحال ہو گئیں۔
ہنڈریڈ انڈیکس 809 پوائنٹس کے اضافے کے ساتھ 151,208 پوائنٹس پر بند ہوا جبکہ 151,000 پوائنٹس کی حد بھی دوبارہ عبور کر لی۔
دوسری جانب کرنسی مارکیٹ میں بھی معمولی بہتری دیکھی گئی۔ اسٹیٹ بینک کے مطابق انٹر بینک میں امریکی ڈالر 3 پیسے سستا ہو کر 279 روپے 07 پیسے پر بند ہوا جبکہ اوپن مارکیٹ میں ڈالر 280 روپے 15 پیسے کی سطح پر آ گیا۔