اسلام آباد یونائیٹڈ کے فاسٹ بالر امیر حمزہ سجاد ٹریننگ سیشن کے دوران سر پر گیند لگنے سے زخمی ہوگئے ہیں۔
اس حادثے کے فوراً بعد ٹیم مینجمنٹ نے احتیاطی تدبیر کے طور پر ٹریننگ معطل کردی اور گراؤنڈ میں موجود طبی عملے نے کھلاڑی کا ابتدائی معائنہ کیا۔
کسی بھی قسم کی کوتاہی سے بچنے کے لیے مینجمنٹ نے امیر حمزہ سجاد کو فوری طور پر قریبی اسپتال منتقل کردیا، جہاں ڈاکٹر اویس اور پیرا میڈیکس کی ٹیم ان کی دیکھ بھال کر رہی ہے۔
خوش قسمتی سے امیر حمزہ سجاد ہوش میں ہیں اور ان کی حالت اب بہتر ہے۔ احتیاط کے پیشِ نظر ان کا سی ٹی اسکین کیا جائے گا۔
اسلام آباد یونائیٹڈ کی پوری ٹیم اس مشکل وقت میں اپنے کھلاڑی کے ساتھ کھڑی ہے اور ان کی جلد صحتیابی کے لیے دعاگو ہے۔