کرنسی مارکیٹس میں ڈالر کے مقابلے میں روپے کی قدر میں معمولی اضافہ دیکھنے میں آیا ہے۔ انٹر بینک میں ڈالر کی قدر دو پیسے کم ہو کر 279.05 روپے پر آ گئی جبکہ اوپن مارکیٹ میں ڈالر تین پیسے سستا ہو کر 280.10 روپے پر ٹریڈ کیا گیا۔
ذرائع کے مطابق پاکستان نے انٹرنیشنل یورو بانڈز کی مد میں 1.3 ارب ڈالر کی واجب الادا رقم 7 اپریل کو ادا کر دی ہے۔ سود ملا کر یہ رقم 1.43 ارب ڈالر بنتی ہے جو ایجنٹ بینک کے ذریعے بانڈ ہولڈرز میں تقسیم کی جائے گی۔
اسٹیٹ بینک کے مطابق بھاری ادائیگی کے باوجود روپے کی قدر مستحکم رہی جس سے مارکیٹ میں سرمایہ کاروں کا اعتماد بحال ہوا۔