پاکستان کرکٹ ٹیم آئندہ ماہ دو ٹیسٹ میچز کی سیریز کھیلنے کے لیے بنگلا دیش کا دورہ کرے گی جس کے دوران ٹیم پہلی مرتبہ سلہٹ میں ٹیسٹ میچ کھیلے گی۔
ذرائع کے مطابق پاکستان ٹیسٹ ٹیم پی ایس ایل کے فائنل کے فوراً بعد 4 مئی کی رات ڈھاکا روانہ ہوگی۔ سیریز کے پہلے اور دوسرے ٹیسٹ میچز کے وینیوز کا باقاعدہ اعلان ابھی باقی ہے، تاہم بنگلا دیش کرکٹ بورڈ نے پہلے ٹیسٹ کے لیے سلہٹ کو منتخب کیا ہے جہاں باونسی ٹریک کی وجہ سے کھلاڑیوں کو بہتر کھیلنے کا موقع ملے گا۔
آئی سی سی ٹیسٹ چیمپئن شپ کے دوسرے میچ کا انعقاد میر پور ڈھاکا میں ہوگا۔ بنگلا دیش کرکٹ بورڈ اگلے چند روز میں سیریز کے مکمل وینیوز کا اعلان کرے گا۔