ایچ بی ایل پی ایس ایل میں راولپنڈیز کے کھلاڑی اور نیوزی لینڈ کے بیٹنگ آل راؤنڈر ڈیرل مچل نے پی سی بی ڈیجیٹل سے گفتگو کرتے ہوئے کہا کہ پاکستان واپس آ کر انہیں بہت خوشی ہوئی اور یہاں کے لوگ بہت مہمان نواز ہیں۔
ڈیرل مچل نے کہا کہ پاکستان کے پاس دنیا کے بہترین فاسٹ بالرز موجود ہیں اور فاسٹ بالنگ ڈیپارٹمنٹ میں بے پناہ ٹیلنٹ موجود ہے۔ انہوں نے مزید کہا کہ بطور اوورسیز پلیئرز وہ نوجوان کھلاڑیوں تک اپنا تجربہ شیئر کرتے ہیں تاکہ وہ اپنے کھیل کو بہتر کر سکیں۔
ڈیرل مچل نے یاد دہانی کرائی کہ پچھلے سال لاہور قلندرز کو ایچ بی ایل پی ایس ایل ٹرافی اٹھاتے دیکھنا ایک یادگار لمحہ تھا اور امید ظاہر کی کہ راولپنڈیز کے ساتھ ٹورنامنٹ میں اب اچھی کارکردگی کا سلسلہ شروع ہوگا۔
ان کے مطابق نوجوان کھلاڑیوں کی تربیت اور رہنمائی کر کے وہ پی ایس ایل کو مزید دلچسپ اور معیاری بنانے میں اپنا کردار ادا کرنا چاہتے ہیں۔