پاکستان اسٹاک ایکسچینج میں کاروباری ہفتے کے اختتام پر زبردست تیزی دیکھنے میں آئی اور مارکیٹ مثبت انداز میں بند ہوئی۔
کاروبار کے اختتام پر ہنڈریڈ انڈیکس 1673 پوائنٹس کے اضافے کے ساتھ 167,191 پوائنٹس کی سطح پر بند ہوا جبکہ دن کے دوران انڈیکس میں 2772 پوائنٹس تک کی نمایاں تیزی بھی ریکارڈ کی گئی۔
مارکیٹ میں 166,000 اور 167,000 پوائنٹس کی دو اہم حدیں بھی بحال ہو گئیں۔ٹریڈنگ کے دوران بینکنگ، سیمنٹ، فرٹیلائزر اور ٹیکنالوجی سیکٹر سے وابستہ کمپنیوں کے شیئرز میں نمایاں خریداری دیکھی گئی۔
بروکرز کے مطابق جنگ بندی کے حوالے سے پاکستان میں ہونے والے اہم مذاکرات سے متعلق مثبت توقعات نے سرمایہ کاروں کو متحرک رکھا جس کے باعث مارکیٹ میں تیزی کا رجحان برقرار رہا۔