زمبابوے ویمنز کرکٹ ٹیم 29 اپریل کو کراچی پہنچے گی جہاں وہ پاکستان ویمنز ٹیم کے خلاف وائٹ بال سیریز کھیلے گی۔
سیریز میں مجموعی طور پر 6 میچز شامل ہیں جن میں 3 ون ڈے اور 3 ٹی ٹوئنٹی انٹرنیشنل میچز کھیلے جائیں گے۔ تمام میچز نیشنل بینک اسٹیڈیم کراچی میں ہوں گے۔
ون ڈے میچز 3، 6 اور 9 مئی کو دوپہر 3:30 بجے شروع ہوں گے اور یہ آئی سی سی ویمنز چیمپئن شپ 2025-29 کا حصہ ہوں گے۔ ٹی ٹوئنٹی سیریز 12، 14 اور 15 مئی کو رات 7:30 بجے کھیلی جائے گی۔
یہ سیریز ویمنز ٹی ٹوئنٹی ورلڈ کپ کی تیاریوں میں اہم قرار دی جا رہی ہے جو 12 جون سے 5 جولائی تک انگلینڈ اور ویلز میں منعقد ہوگا۔ اس سے قبل پاکستان ویمنز ٹیم آئرلینڈ میں بھی تین ملکی سیریز میں حصہ لے گی۔