پاکستان کرکٹ بورڈ نے اپنے شعبہ میڈیکل کو جدید اور وسیع کرنے کا فیصلہ کرتے ہوئے اس میں نئی تقرریوں کا اعلان کیا ہے۔
پی سی بی کے مطابق شعبہ میڈیکل کے لیے سینئر اسپیشلسٹ فزیو تھراپسٹ، اسپیشلسٹ فزیو تھراپسٹ، سینئر مینجر کوآرڈینیشن اسپورٹس اینڈ ایکسرسائز میڈیسن اور جونیئر اسپورٹس ڈاکٹرز کی اسامیاں پُر کی جائیں گی۔
پاکستان کرکٹ بورڈ نے ان عہدوں کے لیے خواہشمند امیدواروں سے درخواستیں طلب کرلی ہیں، جو 24 اپریل تک جمع کرائی جا سکتی ہیں۔
واضح رہے کہ پی سی بی پہلے ہی ڈاکٹر جاوید مغل کو شعبہ میڈیکل کی ذمہ داریاں سونپ چکا ہے۔