نیشنل کرکٹ اکیڈمی (این سی اے) میں ریڈ بال ٹریننگ کیمپ جاری ہے، جہاں کھلاڑیوں نے ابتدائی دو روز کوچز کے ساتھ ون آن ون سیشنز مکمل کرنے کے بعد اب آؤٹ ڈور پریکٹس کا باقاعدہ آغاز کردیا ہے۔
کیمپ کا بنیادی مقصد کھلاڑیوں کو آئندہ ریڈ بال سیزن کے لیے بھرپور طریقے سے تیار کرنا ہے۔
اس حوالے سے ڈائریکٹر ہائی پرفارمنس عاقب جاوید کا کہنا ہے کہ اب سے ستمبر تک تمام تر توجہ کھلاڑیوں کی مہارت میں بہتری اور ان کی گرومنگ پر مرکوز رہے گی۔
انہوں نے مزید کہا کہ مختلف ڈومیسٹک ٹیموں کے کھلاڑیوں کو ایک جگہ اکٹھا کرنے سے ٹیلنٹ کا بہتر اندازہ ہوتا ہے اور یہ کیمپ سلیکٹرز سمیت خود کھلاڑیوں کے لیے بھی اپنی صلاحیتوں کا جائزہ لینے کا ایک بہترین موقع ہے۔