آبنائے ہرمز سے گزر کر آنے والا غیرملکی کنٹینر جہاز کراچی بندرگاہ پر لنگر انداز ہو گیا جس کے بعد سامان کی منتقلی کا عمل بھی شروع کر دیا گیا ہے۔
حکام کے مطابق "ایم وی سیلن" نامی جہاز کراچی بندرگاہ پہنچا جو حالیہ رکاوٹوں کے بعد پاکستان آنے والا پہلا کنٹینر جہاز ہے۔
ترجمان کراچی پورٹ ٹرسٹ کا کہنا ہے کہ یہ جہاز جبل علی سے روانہ ہوا تھا اور اس کی آمد کنٹینرائزڈ تجارت کی بحالی کا واضح اشارہ ہے۔
انہوں نے مزید کہا کہ یہ پیشرفت نہ صرف ملکی بحری ترسیلی نظام پر اعتماد کو مضبوط بنائے گی بلکہ بندرگاہ، شپنگ اور لاجسٹکس سے وابستہ اداروں کے مؤثر باہمی تعاون کی عکاسی بھی کرتی ہے۔