نیشنل ویمنز ٹی ٹوئنٹی ٹورنامنٹ میں اسٹرائیکرز نے شاندار کارکردگی دکھاتے ہوئے تیسری پوزیشن اپنے نام کر لی۔لاہور کے ایل سی سی اے گراؤنڈ لاہور میں کھیلے گئے میچ میں اسٹرائیکرز نے کونکررز کو 20 رنز سے شکست دی۔
اسٹرائیکرز کی جانب سے ناجیہ علوی نے شاندار آل راؤنڈ کارکردگی دکھائی اور 30 رنز بنانے کے ساتھ ساتھ دو اسٹمپنگز بھی کیں۔ نشرا سندھو نے بھی ذمہ دارانہ بیٹنگ کرتے ہوئے 32 رنز کی ناقابلِ شکست اننگز کھیلی۔
کونکررز کی جانب سے فاطمہ ثنا، مہنور آفتاب اور نور الامان نے دو، دو وکٹیں حاصل کیں تاہم ٹیم مطلوبہ ہدف حاصل نہ کر سکی۔
جواب میں کونکررز کی ٹیم 124 رنز بنا سکی جس میں یسریٰ عامر 35 رنز کے ساتھ ناٹ آؤٹ رہیں۔ اسٹرائیکرز کی جانب سے زَیبُ النسا نے بہترین باؤلنگ کرتے ہوئے 3 وکٹیں حاصل کیں۔
ٹورنامنٹ کا فائنل اتوار کو انوِنسِبلز اور اسٹارز کے درمیان غنی گلاس کرکٹ گراؤنڈ میں کھیلا جائے گا جس کا آغاز صبح 10 بجے ہوگا۔