کوئٹہ گلیڈی ایٹرز کے اسپنر عثمان طارق نے راولپنڈی کے کھلاڑی ڈیرل مچل کے خلاف بالنگ کے دوران پیش آنے والے واقعے پر سوشل میڈیا پر سخت ردعمل کا اظہار کیا ہے۔
عثمان طارق نے اس معاملے پر اسپورٹس مین اسپرٹ اور کرکٹ کے قوانین پر سوال اٹھاتے ہوئے کہا ہے کہ ایسے غیر سپورٹنگ کنڈکٹ پر امپائر کو فوری کارروائی کرنی چاہیے۔
ان کا مؤقف ہے کہ یہ واقعہ جان بوجھ کر ڈسٹرکشن یا وقت ضائع کرنے کے زمرے میں آتا ہے، جس پر قوانین کے مطابق امپائر وارننگ کے بعد بیٹنگ ٹیم کو 5 پینلٹی رنز دے سکتا ہے۔
عثمان طارق نے اپنے بیان میں طنزیہ انداز اپناتے ہوئے ان 5 پینلٹی رنز پر خوشی کا اظہار بھی کیا ہے۔