جواد احمد چیمہ کو پاکستان اسٹیٹ آئل کا نیا چیف ایگزیکٹو آفیسر مقرر کر دیا گیا ہے۔
تفصیلات کے مطابق پی ایس او بورڈ نے ان کی تقرری کی منظوری دے دی ہے جبکہ وہ 18 مئی 2026 سے باضابطہ طور پر اپنے عہدے کا چارج سنبھالیں گے۔ ان کی تقرری تین سال کی مدت کے لیے کی گئی ہے۔
جواد احمد چیمہ کو توانائی کے شعبے میں 28 سال سے زائد کا وسیع تجربہ حاصل ہے۔ وہ اس سے قبل شیل پاکستان کے سی ای او کے طور پر بھی خدمات انجام دے چکے ہیں جبکہ وہ شیل انٹرنیشنل اسٹریٹجی اور پورٹ فولیو کے نائب صدر بھی رہ چکے ہیں۔جواد احمد چیمہ کراچی ہائیڈروکاربن ٹرمینل کے سی ای او کے طور پر بھی ذمہ داریاں انجام دے رہے ہیں۔