ایچ بی ایل پاکستان سپر لیگ الیون کے ایک اہم میچ میں حیدرآباد کنگز مین نے اسلام آباد یونائیٹڈ کو 6 وکٹوں سے شکست دے کر ایونٹ میں اپنی دوسری کامیابی حاصل کرلی۔
کراچی میں کھیلے گئے میچ میں اسلام آباد یونائیٹڈ نے پہلے بیٹنگ کرتے ہوئے مقررہ اوورز میں 9 وکٹوں کے نقصان پر 153 رنز بنائے۔ ڈیون کونوے 45 رنز کے ساتھ نمایاں رہے جبکہ مارک چیپمین نے 42 رنز کی اننگز کھیلی۔
حیدرآباد کنگز مین کی جانب سے آصف محمود نے شاندار بولنگ کا مظاہرہ کرتے ہوئے صرف 18 رنز کے عوض 4 وکٹیں حاصل کیں جبکہ محمد علی نے 2 کھلاڑیوں کو آؤٹ کیا۔
ہدف کے تعاقب میں حیدرآباد کنگز مین نے عمدہ بیٹنگ کا مظاہرہ کرتے ہوئے 19ویں اوور میں 4 وکٹوں کے نقصان پر مطلوبہ ہدف حاصل کرلیا۔ کپتان مارنوس لیبوشین نے 61 رنز کی ناقابل شکست اننگز کھیل کر ٹیم کی فتح میں اہم کردار ادا کیا۔
صائم ایوب نے 35، اوپنر معاذ صداقت نے 30 جبکہ گلین میکسویل نے 21 رنز کے ساتھ ناٹ آؤٹ اننگز کھیلیں۔اسلام آباد یونائیٹڈ کی جانب سے کرس گرین اور فہیم اشرف نے 2،2 وکٹیں حاصل کیں۔