کوئٹہ کے علاقے سریاب روڈ پر سیشن کورٹ کے باہر زمین کے تنازع پر فائرنگ کا افسوسناک واقعہ پیش آیا جس میں 3 افراد جاں بحق اور 2 زخمی ہو گئے۔
پولیس کے مطابق کوئٹہ میں واقع سیشن کورٹ کے باہر 4 مسلح بھائیوں نے پیشی کے لیے آنے والے اپنے رشتہ داروں پر اچانک فائرنگ کر دی اور موقع سے فرار ہو گئے۔
فائرنگ کے نتیجے میں ہارون ولد جمیل، غفور ولد وحید بخش اور نصیب اللہ جاں بحق جبکہ عبدالحفیظ اور جمیل زخمی ہو گئے۔حکام کے مطابق جاں بحق افراد عدالت میں پیشی کے سلسلے میں آئے تھے۔ لاشوں کو ضروری کارروائی کے بعد ورثاء کے حوالے کر دیا گیا ہے۔
پولیس نے جائے وقوع سے شواہد اکٹھے کر کے مقدمہ درج کر لیا ہے اور ملزمان کی گرفتاری کے لیے چھاپے مارے جا رہے ہیں جبکہ واقعے کی تحقیقات جاری ہیں۔