کے الیکٹرک کے بورڈ آف ڈائریکٹرز کی تشکیلِ نو کے بعد منعقدہ اہم اجلاس میں شہریار چشتی کو کمپنی کا نیا چیئرمین مقرر کردیا گیا ہے، جس کی بورڈ نے باقاعدہ منظوری دے دی ہے۔
تاہم اس اجلاس میں کے الیکٹرک کے مستقل چیف ایگزیکٹو کے حوالے سے فی الحال کوئی حتمی فیصلہ نہیں ہوسکا ہے۔
واضح رہے کہ سال 2026 کے آغاز سے کے الیکٹرک میں بڑی انتظامی تبدیلیاں رونما ہورہی ہیں، جن کے دوران پہلے سی ای او مونس علوی اور پھر کمپنی کے غیر ملکی چیئرمین اپنے عہدوں سے الگ ہوگئے تھے۔
رواں سال اپریل میں دو بھائیوں سمیر چشتی اور شہریار چشتی کے بطور ارکان بورڈ انتخاب کے بعد اب شہریار چشتی نے چیئرمین کی ذمہ داریاں سنبھال لی ہیں۔