ایچ بی ایل پی ایس ایل 11 کے پہلے 22 میچز نے ڈیجیٹل پلیٹ فارمز پر شاندار کارکردگی کا مظاہرہ کیا ہے۔
اعداد و شمار کے مطابق مختلف سوشل میڈیا پلیٹ فارمز پر صرف آرکائیو اور نان لائیو اسٹریمنگ ڈیجیٹل کانٹینٹ کو 1.1 بلین ویوز حاصل ہوئے جن میں ریلز، شارٹ ویڈیوز اور دیگر پوسٹس شامل ہیں۔
اسی عرصے میں سوشل میڈیا پلیٹ فارمز پر مجموعی طور پر 3.37 بلین امپریشنز ریکارڈ کیے گئے۔رپورٹ کے مطابق ویڈیو کانٹینٹ کی مد میں صارفین نے 2 بلین منٹس سے زائد واچ ٹائم بھی فراہم کیا جو ایونٹ کی عالمی مقبولیت کو ظاہر کرتا ہے۔
واضح رہے کہ یہ تمام اعداد و شمار پی ایس ایل کے پہلے 22 میچز کے ہیں جن میں ڈیجیٹل لائیو اسٹریمنگ کے نمبرز شامل نہیں کیے گئے۔