پاکستان کرکٹ بورڈ کے زیرِ اہتمام ویمنز ٹیلنٹ ہنٹ پروگرام کے ٹرائلز کا سلسلہ ملک بھر میں جاری ہے، جس کے تحت فیصل آباد اور لاہور کے بعد اب پشاور میں بھی خواتین کرکٹرز کی صلاحیتوں کو پرکھا گیا۔
ان ٹرائلز میں انڈر 19 اور ایمرجنگ کیٹیگریز کی کھلاڑیوں نے بڑی تعداد میں شرکت کی۔ نیشنل ویمنز سلیکٹر بتول فاطمہ اور ریجنل کوچز نے پشاور میں ہونے والے ٹرائلز کی نگرانی کی تاکہ ابھرتے ہوئے ٹیلنٹ کو سامنے لایا جاسکے۔
حکام کے مطابق یہ ملک گیر مہم مجموعی طور پر نو مختلف شہروں میں منعقد کی جا رہی ہے، جو یکم مئی تک جاری رہے گی۔
اس پروگرام کا مقصد ملک بھر سے باصلاحیت خواتین کرکٹرز کو تلاش کر کے انہیں قومی سطح پر مواقع فراہم کرنا ہے۔