سعودی عرب نے پاکستان کے لیے 3 ارب ڈالر کے ڈپازٹ کو رول اوور کرنے کا فیصلہ کیا ہے، جس کے لیے اسٹیٹ بینک آف پاکستان اور سعودی فنڈ برائے ترقی کے درمیان باقاعدہ معاہدہ طے پا گیا ہے۔
اس معاہدے پر اسٹیٹ بینک کے گورنر جمیل احمد اور سعودی فنڈ کے چیف ایگزیکٹو نے دستخط کیے، جبکہ تقریب میں وفاقی وزیر خزانہ محمد اورنگزیب بھی موجود تھے۔
وزارت خزانہ کے مطابق اس اقدام کا مقصد پاکستان کے زرمبادلہ کے ذخائر کو سہارا دینا اور بیرونی مالیاتی استحکام کو یقینی بنانا ہے، جو دونوں ممالک کے درمیان دیرینہ اقتصادی تعلقات کی عکاسی کرتا ہے۔