بنگلا دیش کے خلاف دو ٹیسٹ میچز کی سیریز کے لیے پاکستان کرکٹ بورڈ نے 16 رکنی قومی ٹیسٹ اسکواڈ کا اعلان کر دیا ہے۔
شان مسعود ٹیم کی قیادت جاری رکھیں گے جبکہ اسکواڈ میں چار نئے کھلاڑیوں کو بھی شامل کیا گیا ہے۔ منتخب کھلاڑیوں میں سے پانچ کھلاڑی لاہور میں جاری نیشنل کرکٹ اکیڈمی ریڈ بال کیمپ میں شریک ہیں۔
قومی ٹیسٹ اسکواڈ 27 اپریل کو کراچی میں کیمپ جوائن کرے گاجو یکم مئی تک جاری رہے گا۔ ٹیم 2 مئی کو بنگلا دیش روانہ ہوگی۔ پی ایس ایل 11 میں شریک کھلاڑی اپنی ٹیموں کے میچز مکمل ہونے کے بعد کیمپ جوائن کریں گے۔
دوسری جانب سابق ٹیسٹ کپتان سرفراز احمد کو بنگلا دیش ٹور کے لیے ہیڈ کوچ مقرر کیا گیا ہے جبکہ اسد شفیق اور عمر گل بالترتیب بیٹنگ اور بولنگ کوچز کی ذمہ داریاں انجام دیں گے۔
اسکواڈ میں شان مسعود، بابر اعظم، محمد رضوان، شاہین شاہ آفریدی، حسن علی، امام الحق، سعود شکیل، سلمان علی آغا، نعمان علی، ساجد خان، محمد عباس، خرم شہزاد اور دیگر کھلاڑی شامل ہیں۔