اسٹیٹ بینک آف پاکستان نے متحدہ عرب امارات (یو اے ای) کو 2 ارب ڈالر کا قرض واپس لوٹانے کی تصدیق کردی ہے۔
ذرائع کے مطابق یو اے ای نے پاکستان سے اپنے مجموعی 3.5 ارب ڈالر واپس مانگے تھے، جس کے بعد اب پاکستان کو 23 اپریل کو مزید 1.5 ارب ڈالر کی ادائیگی کرنا ہے۔
ادائیگیوں کے اس سلسلے کے باوجود ملکی زرمبادلہ کے ذخائر مستحکم رہنے کی توقع ہے کیونکہ پاکستان کو دو روز قبل ہی سعودی عرب سے 2 ارب ڈالر موصول ہوئے ہیں، جبکہ گزشتہ روز یورو بانڈز کی فروخت سے بھی 500 ملین ڈالر حاصل کیے گئے ہیں۔
اسٹیٹ بینک ذرائع کا کہنا ہے کہ بیرونی ادائیگیوں کے لیے مکمل انتظام موجود ہے اور یو اے ای کو رقم کی واپسی کے باوجود ملکی ڈالر ذخائر پر کوئی منفی فرق نہیں پڑے گا۔