کراچی میں ایک دن کے وقفے کے بعد عالمی اور مقامی گولڈ مارکیٹس میں سونا اور چاندی کی قیمتوں میں دوبارہ کمی ریکارڈ کی گئی ہے تاہم پاکستان میں فی تولہ سونا اب بھی پانچ لاکھ روپے سے زائد کی سطح پر برقرار ہے۔
آل پاکستان صرافہ ایسوسی ایشن کے مطابق 24 قیراط فی تولہ سونا 4,900 روپے سستا ہو کر 501,162 روپے پر آ گیا ہے۔اسی طرح 10 گرام سونے کی قیمت میں 4,201 روپے کی کمی ہوئی جس کے بعد نئی قیمت 429,665 روپے ریکارڈ کی گئی۔
عالمی مارکیٹ میں بھی سونے کی قیمت میں 49 ڈالر کی کمی دیکھی گئی، جس کے بعد فی اونس سونا 4,788 ڈالر پر آ گیا۔
دوسری جانب چاندی کی قیمت میں بھی کمی ریکارڈ کی گئی ہے، فی تولہ چاندی 145 روپے کمی کے بعد 8,417 روپے پر پہنچ گئی ہے۔