کراچی کنگز کے کھلاڑی عاقب الیاس نے امید ظاہر کی ہے کہ ٹیم مثبت کھیل پیش کرے گی اور ماضی کی چھوٹی غلطیوں کو درست کیا جائے گا۔
انہوں نے لاہور میں ٹیم کی کارکردگی کو بہترین قرار دیتے ہوئے کہا کہ ڈیوڈ وارنر ایک اچھے کھلاڑی اور کپتان ہیں جو پریکٹس کے دوران بھی ساتھیوں کی رہنمائی کرتے ہیں، ان کے کم بیک سے ٹیم کو بڑا فائدہ ہوگا۔
عاقب الیاس کے مطابق کراچی میں وکٹیں سلو ہونے کی وجہ سے پلان کے مطابق نتائج حاصل نہیں ہوسکے تھے۔ انہوں نے مزید کہا کہ ایسوسی ایٹ کرکٹ سے ٹاپ کرکٹ میں آکر کھیلنے سے زیادہ فرق نہیں پڑتا لیکن یہاں بہترین کھلاڑیوں کو بالنگ کرنے کا موقع ملتا ہے، جبکہ آغا جی کی موجودگی سے کھلاڑیوں کے اعتماد میں اضافہ ہوتا ہے۔