ایل سی سی اے گراؤنڈ میں کراچی کنگز کا ٹریننگ سیشن جاری ہے جس میں ٹیم کا مکمل اسکواڈ بھرپور طریقے سے حصہ لے رہا ہے۔
اس پریکٹس سیشن کی خاص بات کراچی کنگز کے کپتان ڈیوڈ وارنر کی واپسی ہے، جو کمر کی تکلیف سے مکمل طور پر صحت یاب ہونے کے بعد اب میدان میں دوبارہ متحرک نظر آ رہے ہیں۔
کپتان ڈیوڈ وارنر نے دیگر کھلاڑیوں کے ہمراہ طویل دورانیے تک ٹریننگ کی اور اپنی فٹنس کا مظاہرہ کیا، جبکہ ٹیم کے تمام مقامی اور غیر ملکی کھلاڑیوں نے بھی گراؤنڈ میں مختلف ڈرلز اور نیٹ پریکٹس کے ذریعے اپنی مہارتوں کو بہتر بنانے پر توجہ مرکوز کر رکھی ہے۔