آئل ٹینکرز کی آمد و رفت معطل ہونے کے باعث اٹک ریفائنری نے اپنا مین یونٹ بند کر دیا ہے جس سے ملک میں پیٹرولیم سپلائی متاثر ہوئی ہے۔کروڈ آئل کی سپلائی رکنے کے باعث 32 ہزار 400 بیرل یومیہ پیداواری صلاحیت والا مین یونٹ بند کیا گیا ہے۔
ترجمان کے مطابق ریفائنڈ مصنوعات جیسے پیٹرول اور ڈیزل کی ترسیل بھی متاثر ہو رہی ہے جبکہ اسٹاک میں اضافہ ریکارڈ کیا جا رہا ہے۔
انتظامیہ نے شیئر ہولڈرز کو بھی آگاہ کر دیا ہے کہ ریفائنری کا آپریشن متاثر ہے اور پلانٹ اس وقت تک بند رہے گا جب تک آئل ٹینکرز کی آمد و رفت اور سپلائی معمول پر نہیں آ جاتی۔
ذرائع کے مطابق اسلام آباد میں غیر ملکی وفد کی آمد کے باعث ٹینکرز کی موومنٹ عارضی طور پر معطل کی گئی ہے۔