آئی سی سی کے جنرل منیجر کرکٹ وسیم خان نے اپنے عہدے سے مستعفی ہونے کا فیصلہ کرلیا ہے اور وہ چار سال تک خدمات انجام دینے کے بعد جون کے آخر میں اپنی ذمہ داریاں چھوڑ دیں گے۔
وسیم خان نے مئی 2022 میں جیوف ایلرڈائس کی جگہ یہ عہدہ سنبھالا تھا، جبکہ وہ اس سے قبل پاکستان کرکٹ بورڈ کے سی ای او کے طور پر بھی کام کر چکے ہیں۔
برطانوی نژاد پہلے مسلمان کاؤنٹی کرکٹر کا اعزاز رکھنے والے وسیم خان جولائی سے اپنی نئی ذمہ داریاں سنبھالیں گے۔
واضح رہے کہ گزشتہ دو سال کے دوران آئی سی سی کے کئی سینئر عہدیدار بشمول کرس ٹیٹلی اور الیکس مارشل بھی مستعفی ہوچکے ہیں، جبکہ جیوف ایلرڈائس کی جگہ سنجوگ گپتا کو سی ای او مقرر کیا گیا تھا۔