پاکستان کرکٹ بورڈ نے ملک کے اہم کرکٹ مراکز اور اسٹیڈیمز کی حالت بہتر بنانے کے لیے نئے تعمیراتی منصوبوں کا اعلان کردیا ہے، جس کے تحت لاہور اور کراچی میں بڑے پیمانے پر اپ گریڈیشن کی جائے گی۔
ان منصوبوں کے تحت لاہور میں واقع نیشنل کرکٹ اکیڈمی کو جدید انداز میں کشادہ کرنے کا فیصلہ کیا گیا ہے، جبکہ ایل سی سی اے (LCCA) گراؤنڈ کو بھی جدید ترین سہولیات سے آراستہ کیا جائے گا۔ اس کے ساتھ ساتھ کراچی کے نیشنل بینک اسٹیڈیم کی اپ گریڈیشن کے دوسرے مرحلے کا آغاز بھی اس پراجیکٹ کا حصہ ہے۔
پی سی بی نے ان تمام تعمیراتی اور ری ہیب پراجیکٹس کے لیے متعلقہ کمپنیوں سے پیشکشیں طلب کرلی ہیں۔ وہ پارٹیز جو ان منصوبوں میں دلچسپی رکھتی ہیں، وہ 4 مئی تک اپنی پیشکشیں جمع کراسکتی ہیں۔
ان اقدامات کا مقصد ملک میں کرکٹ کے انفراسٹرکچر کو بین الاقوامی معیار کے مطابق بنانا ہے۔