کے الیکٹرک کے اعلیٰ انتظامی عہدوں پر بڑی تبدیلیاں کرتے ہوئے چیف ڈسٹری بیوشن آفیسر اور چیف جنریشن آفیسر کو ان کے عہدوں سے ہٹا دیا گیا ہے۔
حال ہی میں کمپنی میں نئے چیئرمین اور سی ای او کی تقرری کے بعد ہونے والی ان تبدیلیوں کے تحت نئے سی ای او سید محمد طحہ نے سابقہ انتظامیہ کے قریبی افسران کو تبدیل کردیا ہے۔
ان نئی تقرریوں کے مطابق عمران احمد کو چیف جنریشن آفیسر مقرر کیا گیا ہے جبکہ کافی عرصے سے قائم مقام چیف ڈسٹری بیوشن آفیسر کے طور پر کام کرنے والی سعدیہ دادا کو عہدے سے ہٹا کر ان کی جگہ علی کمال کو مستقل طور پر نیا چیف ڈسٹری بیوشن آفیسر تعینات کردیا گیا ہے۔