َ
پاکستان کے اسٹار فاسٹ بالر نسیم شاہ انجری کے بعد واپسی کے پہلے ہی میچ میں دوبارہ زخمی ہو کر میدان سے باہر چلے گئے۔
کراچی میں اسلام آباد یونائٹڈ کے خلاف کھیلے گئے میچ میں باؤنڈری لائن پر فیلڈنگ کے دوران نسیم شاہ کے گھٹنے پر چوٹ آئی، جس کے باعث انہیں طبی عملے کے سہارے لنگڑاتے ہوئے گراؤنڈ سے باہر جانا پڑا۔
راولپنڈی کی ٹیم مینجمنٹ کے مطابق نسیم شاہ کے گھٹنے کا طبی معائنہ کیا جا رہا ہے، جس کے بعد ہی ان کی انجری کی نوعیت اور اگلے میچز میں شرکت کا فیصلہ کیا جائے گا۔
واضح رہے کہ نسیم شاہ پی ایس ایل 11 کے ابتدائی تین میچز کے بعد پیٹ کی تکلیف کے باعث باہر ہوگئے تھے اور طویل وقفے کے بعد آج اپنا پہلا میچ کھیل رہے تھے، جہاں انہوں نے صرف دو اوورز کی بالنگ کی۔
نسیم شاہ حالیہ دنوں میں ایک اور وجہ سے بھی خبروں میں رہے جب پاکستان کرکٹ بورڈ نے وزیر اعلیٰ پنجاب مریم نواز کے حوالے سے ایک سیاسی ٹویٹ کرنے پر انہیں 2 کروڑ روپے جرمانہ عائد کیا تھا۔ اب اس تازہ انجری نے ان کی لیگ میں مزید شرکت پر سوالیہ نشان لگا دیا ہے۔