اسلام آباد یونائیٹڈ نے حیدرآباد کنگز کو شکست دے کر پاکستان سپر لیگ کے پلے آف مرحلے میں پہنچنے والی تیسری ٹیم بننے کا اعزاز حاصل کر لیا ہے۔
اس شکست کے بعد پوائنٹس ٹیبل پر صورتحال مزید دلچسپ ہو گئی ہے، جہاں کوئٹہ گلیڈی ایٹرز کے لیے بھی ٹاپ فور میں جگہ بنانے کے امکانات پیدا ہو گئے ہیں۔ کوئٹہ کے اس وقت 6 پوائنٹس ہیں اور ان کا آخری میچ آج کراچی کنگز کے خلاف ہے۔
ٹیبل کے مطابق لاہور قلندرز، حیدرآباد کنگز اور کراچی کنگز کے 8، 8 پوائنٹس ہیں، جس کے باعث پلے آف کی آخری جگہ کے لیے سخت مقابلہ جاری ہے۔
ماہرین کے مطابق آخری میچوں میں ٹیموں کی جیت کے ساتھ ساتھ نیٹ رن ریٹ بھی فیصلہ کن کردار ادا کرے گا۔ اگر چند مخصوص نتائج سامنے آتے ہیں تو چار ٹیمیں 8، 8 پوائنٹس پر برابر ہو سکتی ہیں، اور فیصلہ رن ریٹ کی بنیاد پر ہوگا۔
حیدرآباد کنگز کو اپنے آخری میچز میں نسبتاً شیڈول ایڈوانٹیج حاصل ہے، تاہم پلے آف کی دوڑ میں کوئی بھی نتیجہ حتمی صورتحال تبدیل کر سکتا ہے۔