لاہور قلندرز کے کھلاڑی سکندر رضا نے شائقین کو اسٹیڈیم آنے کی اجازت دینے پر حکومت اور چیئرمین پی سی بی کا شکریہ ادا کرتے ہوئے کہا کہ فخر زمان کے ساتھ کریز پر بات چیت ہوئی تھی کہ پہلے گیند کو سمجھیں گے اور پھر جارحانہ کھیل کھیلیں گے۔
انہوں نے فخر کو وکٹ پر ٹھہرنے کی ہدایت دی تھی کیونکہ ٹیم کی جیت میں ہر کھلاڑی کا اپنا کردار اہم ہوتا ہے۔ سکندر رضا نے اپنی کامیابی کو سخت محنت، اپنی صلاحیتوں اور اللہ پر پختہ یقین کا نتیجہ قرار دیا۔
شاہین شاہ آفریدی اور حارث رؤف کی کارکردگی پر بات کرتے ہوئے انہوں نے کہا کہ مسلسل میچز کھیلنے کے باوجود دونوں نے آج بہترین کھیل پیش کیا۔
ان کا کہنا تھا کہ پی ایس ایل کے مصروف شیڈول میں لگاتار میچز کسی بھی پیشہ ور کھلاڑی پر دباؤ بڑھا دیتے ہیں، اس لیے جسمانی تھکاوٹ سے بچنے کے لیے آرام (آف ڈے) لینا ضروری ہے۔
انہوں نے مشورہ دیا کہ اگر ٹورنامنٹ میں ہمارا سفر طویل رہا تو وہ ساتھی کھلاڑیوں کو یہی کہیں گے کہ آرام کے موقع پر اپنی باڈی کو مکمل ریسٹ دیں تاکہ ایک ایتھلیٹ کی حیثیت سے وہ میدان میں دوبارہ بھرپور توانائی کے ساتھ اتر سکیں۔