کراچی کے علاقے کورنگی 3.5 میں مشتعل شہریوں کے تشدد کا نشانہ بننے والا مبینہ ڈاکو زخموں کی تاب نہ لاتے ہوئے چل بسا۔
پولیس کے مطابق گزشتہ شب ڈکیتی کی کوشش کے دوران شہریوں نے ملزم کو پکڑ کر شدید تشدد کا نشانہ بنایا تھا، جس کے بعد اسے تشویشناک حالت میں جناح اسپتال منتقل کیا گیا، جہاں وہ دورانِ علاج دم توڑ گیا۔
ہلاک ملزم کی شناخت 24 سالہ ریحان ولد یوسف کے نام سے ہوئی ہے۔ پولیس نے واقعے کی تحقیقات کا آغاز کردیا ہے تاکہ تشدد میں ملوث افراد اور واقعے کے اصل محرکات کا تعین کیا جاسکے۔