عالمی اور مقامی گولڈ مارکیٹس میں سونے کی قیمت میں اضافہ ریکارڈ کیا گیا ہے جبکہ چاندی کی قیمت بغیر کسی تبدیلی کے مستحکم رہی۔
آل پاکستان صرافہ ایسوسی ایشن کے مطابق 24 قیراط سونا کی فی تولہ قیمت 800 روپے اضافے کے بعد 4 لاکھ 93 ہزار 962 روپے تک پہنچ گئی ہے تاہم اس اضافے کے باوجود پاکستان میں فی تولہ سونا 5 لاکھ روپے کی حد سے نیچے برقرار ہے۔
اسی طرح 10 گرام سونے کی قیمت میں 686 روپے اضافہ ہوا، جس کے بعد نئی قیمت 4 لاکھ 23 ہزار 492 روپے ریکارڈ کی گئی۔
دوسری جانب عالمی مارکیٹ میں بھی سونے کی قیمت میں اضافہ دیکھا گیا ہے۔ بین الاقوامی مارکیٹ میں سونا 8 ڈالر بڑھ کر 4 ہزار 716 ڈالر فی اونس تک پہنچ گیا ہے۔
ادھر چاندی کی قیمت میں کوئی تبدیلی نہیں ہوئی اور فی تولہ چاندی 8 ہزار 49 روپے پر برقرار ہے۔