بنگلادیش کرکٹ ٹیم نے پاکستان کرکٹ ٹیم کے خلاف پہلے ٹیسٹ میچ کے لیے اپنی ٹیم کا اعلان کر دیا ہے جس میں تجربہ کار اور نوجوان کھلاڑیوں کو شامل کیا گیا ہے۔
اعلان کردہ اسکواڈ کی قیادت نجم الحسین شانتو کریں گے جبکہ ٹیم میں محمودالحسن، شادمان اسلام، مومن الحق، مشفق الرحیم، لٹن داس اور مہدی حسن میراز شامل ہیں۔
دیگر کھلاڑیوں میں تیجل الاسلام، نعیم حسن، عبادت حسین، شریف الاسلام، تسکین احمد، ناہید رانا، تنزید حسن اور امیت حسن کو بھی اسکواڈ کا حصہ بنایا گیا ہے۔
دونوں ٹیموں کے درمیان پہلا ٹیسٹ میچ 8 مئی سے ڈھاکا میں کھیلا جائے گا جس کے لیے شائقین کرکٹ میں خاصا جوش و خروش پایا جا رہا ہے۔