پاکستان اسٹاک ایکسچینج میں آج بھی کاروبار کا آغاز شدید مندی کے ساتھ ہوا، جہاں ہنڈریڈ انڈیکس ابتدائی طور پر 1200 پوائنٹس گرگیا۔
اسٹیٹ بینک کی جانب سے شرح سود میں اضافے کے فیصلے نے مارکیٹ پر منفی اثرات مرتب کیے، جس کے باعث دیکھتے ہی دیکھتے انڈیکس 1,69,000 کی نفسیاتی حد سے نیچے گرگیا۔
دورانِ کاروبار مندی کی لہر مزید گہری ہو گئی اور انڈیکس میں 1300 سے زائد پوائنٹس کی کمی ریکارڈ کی گئی۔
تازہ ترین صورتحال کے مطابق ہنڈریڈ انڈیکس 1172 پوائنٹس کی بڑی گراوٹ کے بعد 168,325 کی سطح پر ٹریڈ کر رہا ہے۔
اسٹاک بروکرز کا کہنا ہے کہ شرح سود میں اضافے کی وجہ سے سرمایہ کاروں میں بے یقینی پھیلی ہوئی ہے جس کا براہِ راست اثر مارکیٹ کے رجحان پر پڑ رہا ہے۔