فیڈرل بورڈ آف ریونیو (ایف بی آر) نے یوزڈ موبائل فونز اور اسیسریز کی کمرشل درآمد پر بڑھائی گئی ڈیوٹیز واپس لینے کا اہم فیصلہ کیا ہے۔
کسٹم نے استعمال شدہ موبائل فونز اور اسیسریز کی کسٹم ویلیو ایشن میں 25 ڈالر سے 110 ڈالر تک کا اضافہ کیا تھا، جسے اب ختم کر کے پرانی ویلیو ایشن پر درآمد جاری رکھنے کی ہدایت کی گئی ہے۔
کراچی الیکٹرانکس ڈیلرز ایسوسی ایشن (کیڈا) کے صدر رضوان عرفان کے مطابق معاملہ عدالت میں زیر سماعت ہونے کی وجہ سے ڈیوٹیز میں اضافہ نہیں کیا جاسکتا تھا۔
ڈائریکٹوریٹ آف کسٹم کراچی نے اس فیصلے کے حوالے سے تمام ڈرائی پورٹس اور درآمدی پوائنٹس کو مطلع کردیا ہے۔
رضوان عرفان کا مزید کہنا ہے کہ پرانی ڈیوٹیز کی بحالی سے اب مارکیٹ میں یوزڈ موبائل فونز اور اسیسریز کی قیمتوں میں اضافہ نہیں ہوگا۔