سیکیورٹیز اینڈ ایکسچینج کمیشن آف پاکستان (ایس ای سی پی) نے ایکسچینج ٹریڈڈ فنڈ (ETF) مارکیٹ کے فروغ کے لیے نیا روڈ میپ جاری کردیا ہے۔
نئے اقدامات کے تحت اب سرمایہ کار ای ٹی ایف کے یونٹس براہ راست خرید سکیں گے جبکہ ایسیٹ مینجمنٹ کمپنیوں کو یونٹس فروخت کرنے اور سرمایہ کاروں کے بروکریج اکاؤنٹ کھولنے کی اجازت دے دی گئی ہے۔
روڈ میپ کے مطابق اسٹاک ایکسچینج کے بروکریج ہاؤسز بھی اب ای ٹی ایف لانچ کرسکیں گے، جبکہ والنٹری پینشن سسٹم میں کم فیس والے ای ٹی ایف آپشنز بھی دستیاب ہوں گے۔
ایس ای سی پی نے ای ٹی ایف کے اجرا کی لاگت میں کمی کرنے اور ایسیٹ مینجمنٹ کمپنیوں کو اپنی فیس تقسیم کار بروکرز کے ساتھ بانٹنے کی اجازت بھی دی ہے تاکہ سرمایہ کاری کو آسان بنایا جاسکے۔
پاکستان اسٹاک ایکسچینج اور سی ڈی سی کو اس نئے روڈ میپ پر فوری عملدرآمد کی ہدایات جاری کردی گئی ہیں۔