پاکستان اسٹاک ایکسچینج میں کاروبار کا اختتام مسلسل تیسرے روز بھی منفی زون میں ہوا جہاں مارکیٹ شدید اتار چڑھاؤ کے بعد دباؤ کا شکار رہی۔
دورانِ ٹریڈنگ مارکیٹ میں ایک جانب 3020 پوائنٹس تک کی بڑی مندی ریکارڈ کی گئی تو دوسری جانب 1274 پوائنٹس کی عارضی تیزی بھی دیکھی گئی، تاہم مجموعی رجحان منفی رہا۔
مارکیٹ ایک ہی سیشن میں 169000، 168000 اور 167000 پوائنٹس کی اہم نفسیاتی حدیں گنوا بیٹھی جس سے سرمایہ کاروں کے اعتماد پر اثر پڑا۔
کاروبار کے اختتام پر انڈیکس 2588 پوائنٹس کمی کے ساتھ 165,824 پوائنٹس پر بند ہوا۔
ماہرین کے مطابق شرح سود اور مہنگائی میں اضافہ، جبکہ ایران امریکا مذاکرات میں تعطل جیسے عوامل کے باعث مارکیٹ دباؤ میں رہی۔