ایران اور امریکا مذاکرات سے متعلق منفی خبروں کے باعث پاکستان اسٹاک مارکیٹ مسلسل چوتھے روز بھی مندی کا شکار رہی اور کاروبار منفی اختتام پر بند ہوا۔
کاروبار کے آغاز پر ہی مارکیٹ میں 1400 پوائنٹس کی گراوٹ ریکارڈ کی گئی جبکہ دوران ٹریڈنگ مندی بڑھتے ہوئے 5400 پوائنٹس سے تجاوز کر گئی۔ شدید دباؤ کے باعث مارکیٹ 165000، 164000 اور 163000 پوائنٹس کی اہم حدیں گنوا بیٹھی۔
تاہم آخری ایک گھنٹے میں مارکیٹ میں کچھ بہتری آئی اور تقریباً 2600 پوائنٹس کی ریکوری دیکھنے میں آئی۔کاروبار کے اختتام پر ہنڈریڈ انڈیکس 2829 پوائنٹس کی کمی کے بعد 162,994 پوائنٹس پر بند ہوا۔
مارکیٹ میں آج بینکنگ، آئل اینڈ گیس، فرٹیلائزر اور ٹیکنالوجی کمپنیز کے شیئرز میں فروخت کا دباؤ نمایاں رہا جس کے باعث مجموعی مارکیٹ مندی کا شکار رہی۔